Хятадын адал явдалд дурлагч 26 настай Вонг Йон Нин өөрийн үхлээ бичлэг хийн үлдээж чаджээ Тэрбээр олон удаагийн аюултай үзүүлбэрээрээ хүмүүсийг гайхшруулсан байна. Харамсалтай нь Вонг Йон Нин ээлжит үзүүлбэрээ гүйцэтгэх үедээ амиа алджээ. Тэрбээр олон давхар өндөр барилгын дээврийн ирмэгээс гараараа зүүгдэн авирч байсан боловч гарч чадалгүй гараа алдан доош унасан байна.

Энэхүү үзүүлбэрээ амжилттай гүйцэтгэж чадсан бол 15 мянган доллар авч, маргааш нь хайртай бүсгүйдээ гэрлэх санал тавихаар төлөвлөж байсан гэнэ. Залуу өөрийн үзүүлбэрүүдийг дүрсэлсэн 300 гаруй бичлэгийг хийж байсан аж.