"Номинталс” хамтлагийн дуучин  Т.Дэлгэрмөрөн өнгөрсөн сарын 17-ны өдөр “Наян булгийн аялгуу” бие даасан тоглолтоо Монгол бөхийн өргөөнд хийсэн. Тус тоглолтод дуучин Т.Дэлгэрмөрөн, Х.Мөнгөнцэцэг нар “Хайрын дээд хань” дууг хамтран дуулах байсан ч дуучин Х.Мөнгөнцэцэг хүндэтгэх шалтгааны улмаас ирж чадаагүй аж.

Энэ талаар Т.Дэлгэрмөрөн хэлэхдээ “Манай Х.Мөнгөнцэцэг хүндэтгэх шалтгааны улмаас ирж чадаагүй. Та бүхэн ойлгоорой. Х.Мөнгөнцэцэг өнөө маргаашгүй нярайлах  дөхсөн учраас ирж дуулах боломжгүй. Тийм учраас би энэ дуугаа “Universe best songs” наадмын 2 дугаар байрын шагналт дуучин Н.Цогсогмаатай хамтран дуулна” хэмээсэн юм. Хэдэн сарын өмнөөс дуучин Х.Мөнгөнцэцэгийг хөл хүнд гэх шуугиан тараад байсан юм. Тэгвэл энэ мэдээллийг СТА, дуучин Т.Дэлгэрмөрөн баталлаа.