"Нарны үр сад" солонгосын олон ангит  киноны жүжигчид болох Сон Жүн Ки, Сон Хе Кё нар хуримлаж буй талаар “www.koreaboo.com” сайт мэдээллээ. Хуримын ёслол өчигдөр Сөүл хот дахь таван одтой “Шилла” зочид буудалд зохион байгуулагдсан байна. Хуримын ёслол болохоос өмнө тус улсын хэвлэлийнхэн нисдэг дроны тусламжтай хосын зураг болон зочдын зургийг амжилттай авсан юм. Хосын гэр бүл, найз нөхөд болон хамтран уран бүтээлд ажиллаж байсан уран бүтээлчид болох 200 гаруй зочин хуримын ёслолд оролцохоор хүрэлцэн иржээ.