Сүүлийн үед ХӨСҮТ-ийн эмч нар хүүхдийн сүрьеэгийн тасагт ирсэн хүүхдүүдээс хамгийн түрүүнд  РС тоглодог уу гэж асуудаг болжээ. Учир нь интернет тоглоомын газрууд ихэвчлэн орон сууцны доод давхарт, гэрэл, агааржилт муутай, тоосжилттой, чийгтэй орчинд олон хүнийг нэг дор агааржуулалт муутай олон цагаар тоглуулдгаас болж хүүхдүүд сүрьеэ өвчнөөр халдварлах эрсдэл нэмэгдсээр байгаа юм.

Харин PC тоглодог хүүхдүүд  сүрьеэ өвчин тусч байгаа асуудлаар холбогдох албаныхан дүүргүүдэд анхааруулга хүргүүлж эхэлсэн байна. Үүний дагуу Баянгол дүүргээс ажлын хэсэг гаргаж РС тоглоомын газруудад шалгалт хийж, зөрчилтэй газруудыг хааж эхэлсэн аж.