МАН-ын Бага хурлаар Монгол Улсын 30 дахь Ерөнхий сайдыг тодрууллаа.  Удирдах зөвлөлөөс шадар сайдын үүрэг гүйцэтгэгч У.Хүрэлсүх, УИХ-ын гишүүн Ө.Энхтүвшин, Н.Энхболд нарын нэрийг Ерөнхий сайдад нэр дэвшүүлсэн юм.

2017.09.26-ны шөнийн 04:36 цагт санал хураалтын дүн танилцуулагдаж бага хурлын 294 гишүүдийн зүгээс шадар сайдын үүрэг гүйцэтгэгч У.Хүрэлсүхэд 188, УИХ-ын гишүүн Ө.Энхтүвшинд 101, УИХ-ын гишүүн Н.Энхболдод 5 санал өгсөн байна. Санал хураалтын дүнгээр 64.9 хувийн саналаар шадар сайдын үүрэг гүйцэтгэгч У.Хүрэлсүх ялалт байгуулсан юм.