Малайзын нийслэл Куала-Лумпур хотын сургуулийн дотуур байранд өчигдөр өглөө  гал гарсан байна. Оршин суугчид хүүхдүүдийн уйлах, орилох дуунаар сэрж, тусламж хүргэхээр очжээ. Гэвч тэд байшингийн цонхны төмөр торыг эвдэж чадаагүй байна. Хүүхдүүд ч дотроос цонхоо онгойлгож чадахгүй амь тэмцсээр байжээ.

Гал сөнөөгчид ирэхэд сургуулийн барилгын 90 хувь нь шатсан байсан гэнэ. Энэхүү харамсалтай ослын улмаас 21 хүүхэд, хоёр том хүн амиа алджээ. Амиа алдсан сурагчид 13-17 настай байжээ.