ОХУ-ын Саратов хотын оршин суугч Юлия Винс 1996 онд төрсөн, 21 настай. Тэрбээр багаасаа спортоор хичээллэсэн бөгөөд өдгөө мэргэжлийн хүндийг өргөлтөөр хичээллэдэг. Бүх Оросын төдийгүй олон улсын тэмцээн уралдаанд нэг бус удаа тэргүүн байр эзэлж, алтан медалийн эзэн болж байжээ. Түүний Инстаграм хуудсыг 40 мянган хүн дагадаг төдийгүй сошиал сүлжээнд "Булчинлаг Барби” нэрээр танигдсан нэгэн юм. Тэрбээр өөрийнхөө гадаад үзэмжид туйлын сэтгэл хангалуун байхын зэрэгцээ уйгагүй бэлтгэл хийсний үр дүнд өөрийгөө олж авсан хэмээн ярьж байсан удаатай.