МЗХ-ны дэргэд Солонгос хэл, соёл, түүх сонирхон судалдаг залууст зориулан Солонгосын мэдээллийн төвийг БНСУ-ын Элчин сайдын яамтай хамтран нээсэн билээ. Тус төвд долоо хоног бүр тогтсон цагт сонирхолтой олон төрлийн үйл ажиллагаанууд зохион байгуулдаг. 

Тухайлбал долоо хоног бүрийн Мягмар гарагт 18:00 цагаас Солонгос хэлний үнэ төлбөргүй сургалт явагдаж эхэлжээ. Хичээлийг Койка олон улсын байгууллагын сайн дурын ажилтан, БНСУ-ын “JEONJU” их сургуулийн Нийгмийн Шинжлэх Ухааны тэнхимийн Хэл соёл судлал хариуцсан мэргэжилтэн CHOI, JI –HI зааж байгаа юм.