Хичээлийн шинэ жил эхлэхэд хэдхэн хоног үлдээд буй. Жил бүрийн намар оюутнуудын сургалтын төлбөр нэмэгдэх эсэх асуудал хөндөгддөг. Тэгвэл энэ жилийн хувьд төрийн өмчит их, дээд сургуулиудын сургалтын төлбөрийг нэмэхгүй байхыг шинэ сайд үүрэгдсэн. Үүний дагуу төрийн өмчийн бүх их, дээд сургуулиудын сургалтын төлбөр нэмэгдэхгүй гэдгийг ч их, дээд сургуулиудын удирдлагууд баримталж байгаа юм байна.

Мөн хувийн өмчийн их, дээд сургуулиудын сургалтын төлбөр ч мөн нэмэгдэхгүй гэдгийг Монголын их, дээд сургуулиудын консерциумаас мэдэгдлээ. Тэгэхээр энэ жил төрийн өмчийн болон хувийн хэвшлийн их, дээд сургуулиудын төлбөр нэмэгдэхгүй юм байна.