ВВС-гийн “All Creatures Great and Small” /1978-1990он/ телевизийн цуврал киноны од жижигчин Роберт Харди 91 насандаа Британид насан өөд болжээ. Жүжигчний гэр бүлийнхний мэдэгдсэнээр, Р.Харди “асар том амьдралыг” туулж, театр, телевиз, киноны салбарт 70 гаруй жилийн түүхэн замналыг бүтээж чадсан ажээ.

“Аавыг маань мэдлэгтэй хэл шинжээч, гайхалтай уран зураач, дуу хөгжим, уран зохиолын хорхойтон байснаар нь хүмүүс дурсан санах болно” хэмээн уг мэдэгдэлд өгүүлжээ.

Жүжигчин Р.Харди Харри Поттерын тухай номноос сэдэвлэсэн дөрвөн кинонд ид шидийн эзэн Корнелиус Фаж-ийн дүрд мөн хэд хэдэн телевизийн кинонд Их Британийн Ерөнхий сайд Уинстон Черчиллийн дүрийг бүтээжээ.

Р.Харди жүжигчний гараагаа 1955 онд “Отелло” кинонд тоглосноор эхлэж байжээ. 1981 онд “Уинстон Черчилль: бөглүү он жилүүд” кинонд тоглосныхоо төлөө BAFTA-гийн /The British Academy of Film and Television Arts/ шагналыг хүртэж байжээ.

1998 онд тэрбээр Никита Михалковын “Сибирийн оточ” кинонд тоглож байсан бол жүжигчний хамгийн сүүлд тоглосон “Бяцхан Доррит” кино 2008 онд дэлгэцэнд гарч байжээ.