Улсын арслан Цэдэвийн Содномдоржийн  цолны мялаалгын наадам  /2017.07.27/ Хөвсгөл аймгийн Тосонцэнгэл суманд болсон. Энэ үеэр УИХ-ын гишүүн Л.Энх-Амгалан Улсын арслан Ц.Содномдоржид хаш цагаан хөөргөө бэлэглэжээ. Уг хөөрөг нь хувилгаан ринбүчи Гүрдаваагаас  уламжлагдан ирсэн авшигтай эдлэл аж. Иймд ерөөл бэлэгдэн гардуулж буйгаа УИХ-ын Л.Энх-Амгалан хэлжээ.

Түүнчлэн шинэ арслан Ц.Содномдорж мялаалга наадмынхаа үеэр үндэсний бөхөд хөтөлж оруулсан анхны багш Хөвсгөл аймгийн Алаг-Эрдэнэ сумын харьяат аймгийн арслан Н.Мөнхсүхэд таван сая төгрөг, нэг азарга адуу бэлэглэсэн. Мөн наадамд цугласан 65-аас дээш насны 200 гаруй өндөр настанд гарын бэлгээ өгчээ.