Арвайхээр хотын 290 жилийн түүхт ойн өдөр буюу энэ сарын 28-нд Монгол Улсын Хөдөлмөрийн баатар, Гавьяат тамирчин, үндэсний бөхийн Дархан аварга, чөлөөт бөхийн Ази тивийн аварга Дашдоржийн Цэрэнтогтохын гэгээн дурсгалд зориулсан хөшөөний нээлтийг хийжээ.

Их аваргын гэгээн дурсгалд зориулан босгож буй уг хөшөөг УИХ-ын гишүүн С.Чинзориг тэргүүтэй нутгийн зөвлөл болон нутгийн түмэн олон, бөхөд хайртай монголчуудын дэмжлэгээр сүндэрлүүлж байгаа аж.