Долдугаар сарын 7-ны өдөр буюу маргааш Монгол Улсын Ерөнхийлөгчийн сонгуулийн дахин санал хураалт болох юм. Харин энэ өдөр иргэдэд үйлчлэх нийтийн тээврийн хэрэгслийн тоог 249 -ээр нэмэгдүүлсэн байна. Мөн нийтийн тээврийн үйлчилгээ эхлэх цагийн хуваарийн эх авалтыг өглөө 08:00 цаг байсныг 06:30, оройн буултын цагийг 23:00 цаг хүртэл өөрчлөлт оруулан нийтийн тээврийн үйлчилгээг хангах зохион байгуулалтын арга хэмжээ авахаар төлөвлөж байна.

Туслах чиглэлд:

Нийтийн тээврийн үйлчилгээний туслах таван чиглэлд өглөөний 6:30-аас оройн 23:00 цагийн хооронд 21 тээврийн хэрэгслийн хуваарийг ажлын өдрийн даалгавраар тогтоож, дунд багтаамжийн, бага багтаамжийн 12 тээврийн хэрэгсэл.

Зуслангийн чиглэлд:

Нийтийн тээврийн үйлчилгээний зуслангийн гурван чиглэлд өглөөний 6:30-аас оройн 23:00 цагийн хооронд таван тээврийн хэрэгслийн хуваарийг ажлын өдрийн даалгавраар тогтоож, Үүнд:  Их багтаамжийн таван автобус.

Шөнийн тээврийн үйлчилгээ:

Шөнийн нийтийн тээврийн үйлчилгээний гурван чиглэлд оройн 22:30-аас шөнийн 01:30 цагийн хооронд арван тээврийн хэрэгслийн хуваарийг ажлын өдрийн даалгавраар тогтоож, үүнд:  Их багтаамжийн зургаан автобус, дөрвөн троллейбус ажиллуулахаар төлөвлөөд байна.