“Говь” ХК”-ийн үйлдвэрийн барилгад энэ сарын 14-ний өдөр гал гарч, дээврийн хэсэг бүрэн шатсан. Галын тархалт их, барилга байгууламжийн талбай том, дээврийг нь шилэн хөвөн, хар цаас, мод гэсэн шатамхай материалаар хийсэн байсан тул галын тархалт эрчимжиж, галыг бүрэн унтраахад хүндрэлтэй байсан учир нийслэлийн бүх аврах албан хаагчид гар бие оролцож, бүрэн унтраасан билээ.  Тэгвэл тус компанийнхан галд өртөж шатсан дээврийн хар цаасан хучилтын хэсгийг бүрэн засварлаж дуусгажээ. Ингээд үйлдвэрлэлээ хэвийн ажиллагаанд оруулахаар ажиллаж байгаа аж.