Нийслэлд оршин суугч 40-65 насны 330 мянга орчим иргэдийг хепатитийн В, С вирусын илрүүлэг шинжилгээнд хамруулах ажил  энэ сарын 15-наас есдүгээр сарын 25 хүртэл үргэлжлэх юм байна.

Засгийн газрын тогтоолоор “Элэг бүтэн Монгол” үндэсний хөтөлбөр батлагдсан.  Тус хөтөлбөрийн хүрээнд Хөдөлмөр, нийгмийн хамгааллын болон Эрүүл мэндийн сайдын хамтарсан тушаал гарч даатгуулагчийг хепатитийн В, С вирус илрүүлэх шинжилгээнд хамруулах, даатгалын сангаас зардлын төлбөрийг санхүүжүүлэх журам батлагдан гарсан юм.