“MSC media”-ын бүтээл “Явуулын хүн” уран сайхны кино дэлхийд нэр хүндтэй кино наадамд зүй ёсоор тооцогддог  Оросын холбооны улсын “MIFF Москвагийн олон улсын кино наадам”-ын уралдаант бүст шалгарсан байна. Киноны найруулагчаар Д.Баярсайхан,  продюсероор О.Урантуяа нар ажилласан бол гол дүрд Н.Ялалт, А.Баярцэцэг, А.Алтантөр нар тогложээ.

Энэхүү киногоор хот руу тэмүүлэх залуус унаган нутгаа орхин нүүдэллэж буй тухай, хүн төрөлхтний өвгөн соёл нүүдэлчдийн онцгой чадварыг хэн тээн өвлүүлэх талаар, үрээ хүлээсэн эцэг эх,нөхрөө харуулдсан эхнэр, аавыгаа санах багачууд, малын хөл даган амьдрах хөгжил дэвшилд шахагдан зохицон ядах сүүлчийн нүүдэлчин монголчуудын эгэл амьдралыг уран сайхны аргаар дүрслэн харуулжээ.