Г.Ганбаяр Пушкашийн академийн багийн өмсгөлтэй “Сузуки кап” тэмцээнд оролцохоор болжээ. Өнөөдөр нээлтээ хийх тус тэмцээнд “Байерн Мюнхэн”, “Реал Мадрид” гэсэн шилдэг клубүүдийн 17 хүртэлх насны багууд оролцож байгаа юм. Маргаашийн Пушкашийн академи “Байерн мюнхэн”-тэй хийх тоглолтод багийнхаа чөлөөт цохилтуудыг гүйцэтгэдэг Г.Ганбаяр гарааны бүрэлдэхүүнд багтах өндөр магадлалтай байна.

Пушкашийн академид Б.Амгаланбат, О.Хантэнгэр, Д.Тэмүүлэн, Г.Ганбаяр гэсэн дөрвөн шилдэг хүүхэд суралцахаар өнгөрсөн онд хилийн дээс алхсан нь Монгол хөлбөмбөгчид хамгийн удаан хугацаагаар суралцах болсон тохиолдол юм. Тэгвэл тэдний нэг Г.Ганбаяр академийнхаа багийн хамтаар дэлхийн шилдэг клубүүдийн хүүхдүүд оролцдог “Сузуки кап” тэмцээнд оролцож байгаа нь мөн л анхных юм.