Монгол Улсын Засгийн газрын 2016-2020 оны үйл ажиллагааны хөтөлбөр, “Монгол улсын тогтвортой хөгжлийн үзэл баримтлал”-ыг хэрэгжүүлэх хүрээнд Элэг бүтэн монгол” хөтөлбөрийг баталсан. Хөтөлбөрийн хүрээнд  4 зорилт бүхий 75 цогц ажлыг хийж гүйцэтгэснээр хепатитийн вирүсийн халдварын тархалтыг зогсоож, элэгний архаг үрэвсэл, хатуурал, хорт хавдрын шалтгаантай нас баралтыг эрс бууруулахаар зорьж буй.

Хөтөлбөрийн эхний ажил болох 40-65 насны иргэдийг В, С вирусийн шинжилгээ, оношлогоонд үнэ төлбөргүй хамруулж төлбөрийг даатгалын сангаас гаргах ажил ирэх сараас эхэлнэ.

Тиймээс шинжилгээ оношлогоонд хамрагдах иргэд эрүүл мэндийн даатгалд хамрагдсан байх ёстой аж.