“Victoria`s secret”-ийн хамгийн нэр хүнд бүхий сахиусан тэнгэр байсан Миранда Керр “Snapchat”-ийн үүсгэн байгуулагч, гүйцэтгэх захирал Эван Спиегел нар өнгөрсөн бямба гарагт Лос Анжелес дахь хувийн сууцандаа хурим хийжээ.

34 настай модель бүсгүй нэгэн сэтгүүлд сүйт залуу Эван Спиегелийнхээ талаар “Тэр 25 настай. Гэхдээ яг л 50 настай мэт ухаалаг. Тэр хэзээ ч гадуур явж хөгжилддөггүй. Тэр ажлаа тараад шууд гэртээ ирдэг. Бид гадуур зугаалж олны нүдэнд өртөхийг хүсдэггүй. Гэртээ оройн хоолоо идэж, эртхэн унтаж амрахыг илүүд үздэг” хэмээн ярьж байжээ. Тиймдээ ч хосууд хуримын ёслолоо сүр дуулиангүйгээр найз нөхдийн хүрээнд тэмдэглэсэн аж.