Литви улсад Пауэрлифтингийн хэрэглэлтэй төрлийн өсвөр үе, залуучууд, насанд хүрэгчид, мастер ангиллын ДАШТ болж буй. Тус тэмцээнд манай улсаас Монголын пауэрлифтингийн нэгдсэн холбооны найман тамирчин өрсөлдөж байгаа юм. Өчигдөр тэмцээний мастер-1 ангиллын +120 кг-ын жинд П.Болдбаатар 305 кг-ыг шахсанаар мөнгөн медаль авлаа. Энэ амжилт тус тэмцээнээс хүртсэн Монголын багийн анхны медаль юм. Тэмцээн энэ сарын 27-ныг хүртэл үргэлжилнэ.