Нийслэлийн ногоон байгууламжийг нэмэгдүүлэх зорилгоор Улаанбаатар хотын төв гудамжаар 1972 ширхэг 4-6 метр өндөртэй шилмүүст нарс модыг шинээр тарьжээ. Мөн Баянзүрхийн товчооноос 22-ын товчоо хүртэлх төмөр замын хоёр талын хамгаалалтын зурвас дотор 8000 ш улиас, 24000 ш хайлаасыг тарьж арчилж, нийтийн эзэмшлийн 98 гудамж, цэцэрлэгийн 99.1 га талбайн ногоон байгууламжийг арчилж, нөхөн тарих ажлыг мэргэжлийн 82 байгууллагаар хийлгэж байна.

Ногоон байгууламжийг нэмэгдүүлэх чиглэлээр хийгдэж буй ажлуудыг гурван жил тогтмол арчлах нөхцөлтэйгээр мэргэжлийн байгууллагууд гэрээ байгуулан гүйцэтгэж байгаа бөгөөд усалгаа арчилгааг хуваарийн дагуу тогтмол хийж байгаа аж.