Нялх, балчир хүүхдийн хоол хүнсний бүтээгдэхүүний тухай хууль өнгөрсөн баасан гарагт УИХ-ын нэгдсэн чуулганаар баталсан. Хуулийн дагуу 0-6 сартай хүүхдэд эмчийн зөвлөгөөгүйгээр эхийн сүүнээс өөр нэмэлт тэжээл өгөхийг хориглосон. Мөн гэр бүл төлөвлөлтийг хангах зорилгоор хүүхэд төрүүлсэн оюутанд тэтгэмжтэй нэг жилийн чөлөө олгохоор болсон юм. Оюутны жирэмсний болон амаржсаны тэтгэмжийг тооцохдоо хөдөлмөрийн хөлсний доод хэмжээгээр нэг жил ажилласнаар тооцож олгох ажээ.