Сүхбаатар дүүргийн нэгдүгээр хороо Шүүхийн шинжилгээний үндэсний хүрээлэнгийн хойд талд байрлах UBH барилгын хогийн цэгт өчигдөр 18:00 цагийн орчимд гал гарчээ. Галын улмаас зогсоолд байрлуулсан “Приус-20" маркийн автомашины арын хэсэг шатсан байна. Улмаар гал барилгын гадна хэсэгт хүрч, галын утаа агааржуулалтын хоолой руу орж Чингэлтэй дүүргийн Аврах, гал унтраах аравдугаар ангийн найман алба хаагч, хоёр автомашинтай ажиллаж, 19:10 минутад галыг шуурхай унтраажээ. Галд өртсөн автомашин тус барилгад байрладаг “Булнайн ар” компанийн хамгаалалтын албаны ээлжийн ахлах А-гийн машин байсан аж.