Баянзүрх дүүргийн долдугаар хороо, зүүн дөрвөн замын уулзвараас “Туул Жин Пан”-ийн уулзвар хүртэлх 950 метр гудамжийг "ЖИШИГ ГУДАМЖ" болгон тохижууллаа.

Нийслэл, дүүргийн Газрын албанаас газар чөлөөлж, нийтийн эзэмшлийн зам талбайг бүрэн чөлөөлснөөр тохижилт хийх боломжтой болгожээ.

Ингэж тохижуулснаар баруун талаараа явган хүний зам, том оврын 153 шилмүүст мод, троссон хашлага, ургамлан хашлагаар тохижуулав. Зүүн талын туслах замыг бүрэн шинэчилж, 150 машины зогсоол бий боллоо гэж нийслэлийн хэвлэлийн албанаас мэдээлэв.